Agronet.uz
  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
  • Лойиҳа ҳақида
  • Об-ҳаво
  • Китоблар
    • Деҳқончилик тармоғи бўйича китоблар
    • Асаларичилик тармоғи бўйича китоблар
  • Газета ва журналлар
    • «Ўзбекистон қишлоқ ва сув хўжалиги» журнали
    • «Агротехника дунёси» журнали
  • Қизиқарли видеолавҳалар
  • ФОЙДАЛИ
  • Бўш иш ўринлари

Agronet.uz

  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
ЧОРВАЧИЛИК

Бузоқларни парвариш қилиш

Муаллиф Агроном 13.08.2018
Бузоқларни парвариш қилиш

Янги туғилган бузоқ туғилганидан 40-50 дақиқа ўтганидан сўнг ўрнидан туриб эмишга ҳаракат қилади. Янги туғилган бузоқчаларга туғилганидан дарҳол ўвиз сути берилади. Биринчи куни 1,5-1,7 литр, кейин 2-3 литр ўвиз сути берилиши лозим. Ўвиз сутини ичган бузоқчалар соғлом, бақувват бўлиб тез ўсади. Чунки ўвиз сути таркибида оқсил, витаминлар, зарур бўлган минерал моддалар кўп бўлади. Бузоқчалар дастлабки бир ҳафта она сигир сути билан боқилади, бир кунда 2,8-3,0 литр сутни ичади. Бузоқчаларга 10 кунлигидан бошлаб, барра кўк ўтлар бериш мумкин. Яна озгинадан илдизмевалар, донли озуқалар, беда кўк ўти бериб борилади. Улар она сутини 4-5 ойгача эмиши мумкин. Аммо 3 ойлигидан бошлаб, қўшимча озиқларга ўргатиш лозим. Сигир сутини тежаш учун соя ва бошқалардан сут тайёрлаб бузоқларга ичирилади. Келгусида сут берувчи зотдор сигир ёки юқори насл берувчи ҳўкиз учун ажратиладиган бузоқлар албатта онасини узоқ вақт эмиши керак.

Бузоқларни боқиш ва парваришлашни бир қанча усуллари мавжуд:

Биринчи усул — бузоқларни онасидан ажратиб боқиш. Бу усул асосан барча сут-товар фермаларида ва айрим илғор фермер хўжаликларида қўлланиб келинаётган прогрессив усул ҳисобланади. Бунда бузоқлар туғилган кунидан бошлаб 5-10 кун давомида ўз онасининг ўвиз сутидан бахраманд бўлади. Сўнгра улар махсус бўлмаларга олинади ва гуруҳлаб боқилади.

Ўвиз сути биринчи марта бузоқлар туғилганидан сўнг 1-2 соат ўтгач 1-1,5 литр миқдорида берилади. Озиқлантиришдан олдин бузоқларни лаблари, бурни ва юзи яхшилаб артилади. Янги туғилган бузоқларга дастлабки кунлари ўвиз сути махсус резинка сурғичлар ёрдамида кунига 5-6 марта берилади. Бунда бузоқлар ҳамма вақт бир хил миқдордаги сутни якка ҳолда олиши мумкин. Бериладиган увиз сути ёки соғиб олинган сутнинг ҳарорати 37°C, тоза ва сифатли бўлиши мақсадга мувофиқдир. Агар туққан сигирнинг елини касал бўлса ёки сутининг сифати талабга жавоб бермаса, у ҳолда бир вақтда туққан сигирларнинг сути ичирилади.

Иккинчи усул — ажратиб эмиздириб боқиш. Бу усул энг қадимги усул бўлиб, бунда сигирни соғишдан олдин, соғиш вақтида ва сут соғиб бўлингач, сигир ёнига унинг бузоғи қўйиб юборилади. Сигири бўлган барча хонадонлар ҳам шу усулда бузоқ боқадилар ва парвариш қиладилар.

Учинчи усул — «энага» сигирларга бириктириб боқиш. Бунинг учун ўз оналаридан ажратиб олинган бузоқлар 2 тадан 4 тагача қилиб соғишга яроқсиз ёки қари сигирларга бириктириб қўйилади. Бузоқлар ўз «энагасини» 2-3 ой мобайнида эмиб ўсади ва ривожланади.

Бириктирилган бузоқлар сони «энага» сигирларнинг сут маҳсулдорлигига боғлиқ. Эмизиш учун режалаштирилган сигирлар бир гуруҳ, бузоқни эмизиш даври тугаши билан янги гуруҳ бузоқларни қабул қилади. Шундай қилиб, сут маҳсулдорлиги 3000-3500 литр бўлган сигирлар бир лактасия даврида 8-10-12 та бузоқни эмиздириб, боқиб беради.

Тўртинчи усул — оналарига узлуксиз эмиздириб боқиш. Бу усул асосан гўшт йўналишидаги қорамолчиликда қўлланилади. Бунда сигирлар деярли соғилмайди. Пода шароитида ёш бузоқлар 6-8 ойлик бўлгунча фақат онасини эмиб ривожланади. Агар талаб этилса бир сигирга 2 та бузоқни ҳам бириктириб боқиш мумкин.

Бузоқлар олти ойлик бўлганида эркаклари урғочиларидан ажратилган ҳолда махсус хоналарда боқилади.

Бунда 4 гуруҳ ташкил этиш назарда тутилади. Биринчи гуруҳда бузоқлар 9 ойлик бўлгунча боқилади. Иккинчи гуруҳда 9 ойликдан 12 ойлик бўлгунча боқилади. Учинчи гуруҳда 12 ойдан 18 ойлик бўлгунча боқилади. Тўртинчи гуруҳда 18 ойлик ғунажинлар икки ёшли бўлгунча боқилади. Бузоқлар хўжалик учун белгиланган усулда боғлаб ёки боғламасдан боқилади.

Насл олиш учун мўлжаллланган эркак бузоқларни ҳисобга олмаганда барча гуруҳдаги бузоқларга 8-9 ойлигидан бошлаб кўп миқдорда сомон, силос ва илдизмевалар бериб боқилади. Бузоқларни боғлаб боқишда уларга суткасига 3 марта ем-хашак берилади.

Кўпгина хўжаликларда олиб борилган кузатишларга қараганда кўрсатилган меъёрларда боқилган бузоқлар соғлом, бақувват ва юқори маҳсулдор бўлиб етишади. Бузоқларни сунъий сут билан боқиш 180-200 литр сигир сутини тежаш имконини беради. Ем-хашакнинг сифати қанча паст, таркибида кимёвий элементлар, айниқса протеин кам бўлса, бузоқларни семириш учун шунча кўп озиқ сарфланади. Бузоқлар соғлом ва бақувват бўлиб ўсиши учун уларни узлуксиз ош тузи билан таъминлаб туриш тавсия этилади. Бунда 1-6 ойлик бузоқларнинг ҳар 100 кг вазни хисобига 12 г, 6 ойликдан бошлаб 10 г дан ош тузи бериш талаб этилади.

Манба: «Чорвачилик ва паррандачилик асослари» М.З.Муртозаев, А.А.Кушаков, Т.А.Алибоев

[print-me]

қорамол
2
Facebook Twitter Google + Pinterest

Ўхшаш мақолалар

Сигирларнинг бўкиб қолиши ва уни даволаш

11.04.2020

Великан қуён боқиш ва кўпайтириш

05.10.2018

Ипак қурти боқиш бўйича тавсиялар

02.05.2020

Қўйларни қочириш учун мақул фурсат

29.12.2019

Қорамоллар гўшт маҳсулдорлигига таъсир қилувчи омиллар

05.11.2018

Итларнинг чумка касаллиги белгилари ва даволаш

20.01.2020

Қўй ва эчкиларнинг бўғозлик белгилари

24.02.2020

Сигирларнинг голланд зоти ва унинг тарқалиши

18.02.2020

Қорасон касаллиги қарши кураш чоралари

25.03.2020

Туя боқиш сирлари ва фойдаси

11.08.2018

БИЗНИ КУЗАТИБ БОРИНГ!

Facebook

Бўш иш ўринлари

Promotion Image

Агроном ишга олинади

КАЛИТ СЎЗЛАР

анор асал асалари балиқ бедана бодом бодринг бройлер бузоқ буқа боқиш гилос иссиқхона карам картошка курка кўкат лавлаги лимон маккажўхори мандарин нок олма от пахта помидор сабзи саримсоқ сигир тарвуз товуқ трактор туя туяқуш узум хурмо шафтоли шоли эчки ўрдак ғоз қовун қорамол қулупнай қуён қўй

СОҲАДАГИ СЎНГГИ ЯНГИЛИКЛАР

  • “Фермерлар мактаби”нинг 3-мавсумига қабул эълон қилинди

    17.09.2021
  • 2021 йилги пахта терими нархлари белгиланди

    17.09.2021
  • Давлатимиз раҳбари Андижон вилояти Пахтаобод туманидаги инновацион иссиқхонани кўздан кечирди

    17.06.2021
  • Тошкентда «AgroWorld Uzbekistan 2021» кўргазмаси бўлиб ўтади

    01.06.2021

ЛОЙИҲА ҲАКИДА

Agronet.uz интернет порталида қишлоқ хўжалиги соҳасидаги муҳим янгиликлар ва фойдали мақолалар ёритиб борилади.

Facebook Youtube Telegram RSS

Ушбу сайт материалларидан  фойдаланилганда, agronet.uz актив ҳаволаси (линк) берилиши шарт.

ЭНГ КЎП ЎҚИЛГАН МАҚОЛАЛАР

  • 1

    Беда экиш ва парваришлаш бўйича тавсиялар

    18.05.2020
  • 2

    Республикамизда етиштириладиган қовун навлари

    12.01.2019
  • 3

    Лавлаги етиштириш бўйича тавсиялар

    22.07.2018

Ўзбекистон қишлоқ хўжалиги

2022 йил 3 сон Март


БАРЧА ЖУРНАЛЛАР

Agronet © 2018-2023. Developed by Fenx.