Agronet.uz
  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
  • Лойиҳа ҳақида
  • Об-ҳаво
  • Китоблар
    • Деҳқончилик тармоғи бўйича китоблар
    • Асаларичилик тармоғи бўйича китоблар
  • Газета ва журналлар
    • «Ўзбекистон қишлоқ ва сув хўжалиги» журнали
    • «Агротехника дунёси» журнали
  • Қизиқарли видеолавҳалар
  • ФОЙДАЛИ
  • Бўш иш ўринлари

Agronet.uz

  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
БОҒДОРЧИЛИК

Японияликлар Булоқбоши майизига харидор

Муаллиф Агроном 12.12.2019
Японияликлар Булоқбоши майизига харидор

“Дўланалик боғбон меваси” фермер хўжалигида бошланган хайрли иш боис Андижонда етиштирилган майиз Ўзбекистон брендига айланди.

Қора ва оқ майиз кеча кашф қилинмаган. Водийда “Офтоби”, воҳада эса “Сояки” усулида майиз тайёрлаш анъанавий тус олганлиги маълум. Замонлар ва одамлар ўзгариши сабаб айнан Андижонда майиз тайёрлаш кўпчиликнинг ёдидан кўтарилди. Тўғри, жойларда ҳозирга қадар “Офтоби” усулида қора ва оқ кишмишдан майиз тайёрланаётганлигига гувоҳ бўламиз. Бироқ, унинг барчаси бозорга чиқарилмайди ва томорқа эгалари ўз эҳтиёжлари учун ишлатишади.

Булоқбошилик соҳибкор Ҳабибулло Назаров фермерлар авлодидан. Боғбончилик ва соҳибкорлик касбини ўз даврида улуғлаб, эл назарига тушган Неъматилло Назаровнинг фарзанди бўлмиш Ҳабибулло республикамизнинг бир қатор ҳудудларидаги ҳамкасблари билан ўртоқлашар экан, майиз тайёрлашни ўзлаштириш ва омма­лаштиришни ўз олдига мақсад қилиб олди.

Ҳабибулло Тожикистон, Грузия, Америка Қўшма Штатлари, Ҳиндистон каби мамлакатларда бўлиб, узум етиштириш борасидаги тажрибаларини бойитди. Республикамизнинг қайси ҳудудида токчилик ривожланган бўлса, ўша жойларга қадамма-қадам борди-келдини канда қилмади.

Самарқандлик ҳамкасбларининг тавсияси билан 2017 йилда тажриба сифатида 1 гектарлик ёш токзорни пайвандлаш усулида майизбоп узум етиштиришга ажратди. Самарқандлик биродарлари тақдим этган “Сўғдиёна” навли қора узум пайвандланган йилнинг ўзида куртак берди. Ўтган йили нишона ҳосилдан 2 тоннаси алоҳида жойда Самарқандда урф бўлган “Сояки” усулида қуритишга қўйилди.

Майиз сифати бозорбоп эканлигига ишонч ҳосил қилган тадбиркор фермер бу ҳақда пойтахт­даги ҳамкасбларига билдирди. Орадан кўп ўтмай Япониянинг Ўзбекистондаги элчихонаси ходимлари Ҳабибулло Назаровни сўраб-сўраб топишди ва илк бор тажриба сифатида тайёрланган майиз намунасидан бир сиқимини ўзлари билан олиб кетишди. Бир муддат ўтгач, Япония элчихонасидан қўнғироқ бўлиб, барча майизни харид қилишга тайёр эканлигини айтишди. Ваҳоланки, 2 тонна етилган узумдан 500 килограмм­дан зиёдроқ майиз олинган эди.

Ҳабибулло Назаровнинг эътироф этишича, Япония савдо компанияси Андижонда тайёрланган қора майизни Ўзбекистон бренди сифатида қабул қилибди. Кунчиқар мамлакатда 500 килограмм майизи билан кўплаб савдо компанияларининг назари тушган Ҳабибуллога буюртмалар келиши кўпайди. Айтишимиз жоизки, халқаро бозорга, айниқса, ўзига тўқ давлатларга қишлоқ хўжалиги маҳсулотларини экспорт қилиш шунчаки иш эмас. Талаблари бир дунё бўлади. Ана шу мезонга ­лойиқ топилган Андижон майизининг эртаси борлигини тушуниш вақти келди.

Куз бошида енгил конструкция асосида барпо этилган жойга ипларга маржондек қилиб узум териб чиқилди. 4 октябрь куни япониялик харидорлар назорат тартибида яна бир бор Булоқбошига ташриф буюришди. Ҳар бир дона узумдаги ғуборлар сабаби ҳақида меҳмонлар фермердан сўрашди. Боғдорчилик борасида олий таълим олган, миришкор ҳамкасблари билан доимий мулоқотда бўлиб турадиган Ҳабибулло ғубор узумдаги биологик фаолликни сақловчи восита эканлигини илмий жиҳатдан тушунтириб бердики, меҳмонлар бундан мамнун бўлишди.
Ўртада буюртмачи компания вакили бир неча бор Булоқбошига ташриф буюрди ва олдиндан тахминий тарзда 1,5 тонна қора майиз хариди учун 9 минг АҚШ долларини хўжалик ҳисоб рақамига ўтказиб қўйди. Орада Ҳабибулло харидор компания таклифи билан Япония сафарида бўлди.

Хорижлик харидорларнинг ишончини оқлаш учун ҳали кўп иш қилиш кераклигини фермер англаб етмоқда. Қайта-қайта ҳисоб-китоблардан сўнг фермер 10 гектарлик яхлит майдонда майизбоб ток парвариш қилиш билан боғлиқ лойиҳа устида бош қотирмоқда ва тегишли идоралар билан масаланинг ечими устида ишламоқда.

“Сўғдиёна” навли майизбоп токнинг ҳар гектари 32 тоннагача ҳосил бера олади. Бу 6 тонна майиз демакдир. Вилоятда узум етиштириш учун табиий муҳит мавжуд. Асака, Марҳамат, Булоқбоши, Хўжаобод, Жалақудуқ, Қўрғонтепа ва Пахтабод туманларида айнан узум етиштиришга мос майдонлар кўп. Афсуски, уларнинг аксариятининг ҳозирча эгаси топилмаяпти.

3 тонна майиз ва унинг ҳар килоси ташқи бозорда улгуржи нархи 6 АҚШ доллари эканлигини инобатга олсак, фермерлар, тадбиркорларнинг минг-минглаб ишчи ўринлари кўз олдимизда намоён бўлади.

«8 тонна узумни идишларга жойлаб хориж бозорига чиқариш тайёрловчи олдига кўплаб қийинчиликларни рўпара қилади» – дейди Ҳабибулло Назаров, «Америкада ҳам, Ҳиндистонда ҳам узум етиштирувчи фермерлар тўғридан-тўғри логистика марказлари билан алоқада бўлишади. Иш жараёнларини кузатиб ҳавасимиз келди… Негаки биз бўлган жойларда фермер фақат маҳсулот етиштириш билан банд».

Манба: Қобилжон Асқаров, “Qishloq hayoti” газетаси мухбири

[print-me]

1
Facebook Twitter Google + Pinterest

Ўхшаш мақолалар

Интенсив боғлар ва иссиқхоналар аҳолига лизингга берилади

03.02.2020

Боғ ва токзорларда июнь ойида бажариладиган агротехник тадбирлар

10.06.2019

Экинларни дорилаш учун фойдаланиладиган пуркагич турлари

29.01.2019

Гилос етиштириш ва мўл ҳосил олиш сирлари

05.04.2020

Лимон етиштириш бўйича тавсиялар

18.03.2018

Интенсив боғ қандай бўлади?

25.08.2018

Учқора майизини етиштиришнинг нозик жиҳатлари

20.09.2018

Кузда бажариладиган боғ ишлари

16.10.2020

Узумчилик ва виночилик кластерлари ташкил этилади

02.08.2021

Ёш дарахтларни пайвандлаш

11.01.2020

БИЗНИ КУЗАТИБ БОРИНГ!

Facebook

Бўш иш ўринлари

Promotion Image

Агроном ишга олинади

КАЛИТ СЎЗЛАР

анор асал асалари балиқ бедана бодом бодринг бройлер бузоқ буқа боқиш гилос иссиқхона карам картошка курка кўкат лавлаги лимон маккажўхори мандарин нок олма от пахта помидор сабзи саримсоқ сигир тарвуз товуқ трактор туя туяқуш узум хурмо шафтоли шоли эчки ўрдак ғоз қовун қорамол қулупнай қуён қўй

СОҲАДАГИ СЎНГГИ ЯНГИЛИКЛАР

  • “Фермерлар мактаби”нинг 3-мавсумига қабул эълон қилинди

    17.09.2021
  • 2021 йилги пахта терими нархлари белгиланди

    17.09.2021
  • Давлатимиз раҳбари Андижон вилояти Пахтаобод туманидаги инновацион иссиқхонани кўздан кечирди

    17.06.2021
  • Тошкентда «AgroWorld Uzbekistan 2021» кўргазмаси бўлиб ўтади

    01.06.2021

ЛОЙИҲА ҲАКИДА

Agronet.uz интернет порталида қишлоқ хўжалиги соҳасидаги муҳим янгиликлар ва фойдали мақолалар ёритиб борилади.

Facebook Youtube Telegram RSS

Ушбу сайт материалларидан  фойдаланилганда, agronet.uz актив ҳаволаси (линк) берилиши шарт.

ЭНГ КЎП ЎҚИЛГАН МАҚОЛАЛАР

  • 1

    Беда экиш ва парваришлаш бўйича тавсиялар

    18.05.2020
  • 2

    Республикамизда етиштириладиган қовун навлари

    12.01.2019
  • 3

    Лавлаги етиштириш бўйича тавсиялар

    22.07.2018

Ўзбекистон қишлоқ хўжалиги

2022 йил 3 сон Март


БАРЧА ЖУРНАЛЛАР

Agronet © 2018-2023. Developed by Fenx.