Agronet.uz
  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
  • Лойиҳа ҳақида
  • Об-ҳаво
  • Китоблар
    • Деҳқончилик тармоғи бўйича китоблар
    • Асаларичилик тармоғи бўйича китоблар
  • Газета ва журналлар
    • «Ўзбекистон қишлоқ ва сув хўжалиги» журнали
    • «Агротехника дунёси» журнали
  • Қизиқарли видеолавҳалар
  • ФОЙДАЛИ
  • Бўш иш ўринлари

Agronet.uz

  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
ЧОРВАЧИЛИК

Чорвадорликда маҳсулдорликка нималар таъсир кўрсатади?

Муаллиф Агроном 10.03.2018
Чорвадорликда маҳсулдорликка нималар таъсир кўрсатади?

Чорва молларининг яхши ўсиши ва уларнинг маҳсулдорлигини оширишда ташқи муҳит катта таъсир қилади. Чорвачиликни ривожлантиришда иқлим, шу жойининг ўзига хос шароитлари ҳал қилувчи рол ўйнайди. Иқлимнинг ҳайвонларга ҳам, ем-хашак базасига ҳам таъсири бўлади. Молхоналардаги ҳавонинг иссиқлиги, намлик даражаси, таркибидаги газларнинг алмашинуви ҳам молхонанинг ёритилиш даражаси қишлоқ хўжалик ҳайвонларига таъсир қилади.

Ҳарорат. Ҳайвонлар совуқда қолса, танасидан иссиқлик ажралиши кучаяди, унинг ўрнини тўлдириш учун эса организм кўпроқ ем-хашак талаб қилади, бундай ҳолда озиқ модда етишмаса маҳсулдорлиги камаяди ва сифати ёмонлашади. Шунингдек, ҳайвонлар совуқда узоқ муддат қолиб кетса шамоллайди, касалланади ва ҳатто нобуд бўлади. Ҳайвонларнинг тери остидаги ёғ қатлами ва терининг қалин жун билан қопланиши танадан иссиқликнинг тарқалишига ва организмга совуқнинг таъсир этишига йўл қўймайди, аммо ҳароратнинг нормадан пасайиши ҳам ҳайвонга ёмон таъсир қилади. Ёш ҳайвонлар катта ёшдаги ҳайвонларга нисбатан совуққа чидамсиз бўлади.

Чорва молларига юқори ҳарорат ҳам ёмон таъсир қилади. Юқори ҳароратда ҳайвонлар терлайди, натижада ҳайвонда сув ва энергия кўп сарфланади. Қуёш остида қолган молларни офтоб уради ва касалга чалинади.

Намлик. Чорва моллари боқиладиган хоналарда маълум миқдорда намлик бўлиши керак. Бу намлик ҳароратга ва молхонадаги ҳавонинг алмашинишига боғлиқ бўлади. Полдаги, сувдонлардаги ва ҳўл ем-хашакдаги намнинг буғланиши натижасида молхонада ҳавонинг намлиги ортади. Шунингдек, ҳайвонлар нафас чиқарганда ва терлаганда ҳам кўп миқдорда сув буғланади.

Ёруғлик. Молхонага ёруғлик яхши тушиб туриши лозим. Ёруғ хоналарда моллар ем-хашакни яхши топиб ейди. Ёруғлик тушиб турадиган хоналарда паррандалар, отлар, қорамоллар ва чўчқалар яхши ривожланади. Лекин молхонага кечаси лампалар ёқиб қўйиш молларнинг яхши дам олишига халақит беради.

Молхоналарга қўйиладиган талаблар. Чорва моллари учун мўлжалланган фермалар шамол томондан ҳимояланган, ер ости сувлари чуқурлиги 4 м дан кам бўлмаган баландроқ жойга қурилиши лозим. Шунингдек, молхоналар аҳоли яшайдиган бинолардан камида 500-1000 м нарида, шамолга тескари ва пастроқ томонда, темир йўл ва автомобиллар қатнайдиган катта йўллардан 300 м узоқда бўлиши мақсадга мувофиқ.

Молхоналарни қуришда иссиқликни кам ўтказадиган материаллардан фойдаланиш лозим. Бетон, ёғочга қараганда иссиқликни тез ўтказади. Шунинг учун молхоналар ёғочдан қурилса яхши бўлади. Ёғоч иссиқликни кам ўтказади, лекин ўзига нагл тортади. Шунинг учун ёғочдан қурилган биноларнинг ҳавоси нисбатан қуруқ ва иссиқроқ бўлади, лекин ёғоч тез чирийди.

Сувнинг аҳамияти. Сув ҳайвонлар ҳаётида жуда муҳим ахамиятга эга. Ҳайвонлар организмининг 65-70 % ини сув ташкил этади. Айниқса, ёш моллар танасида катта ёшдаги ҳайвонларга нисбатан сув кўпроқ бўлади.
Ҳайвонларда кечадиган барча жараёнлар сув туфайли содир бўлади. Ҳайвонлар танасидаги заҳарли моддалар сув билан бирга ташқарига чиқиб кетади ҳамда сувнинг буғланиш натижасида ҳайвонлар танасидаги иссиқлик пасаяди.

Сувнинг тозалиги. Ҳайвонларга бериладиган сув тоза бўлиши лозим. Сувда ҳайвонлар учун зарарли бўлган заҳарли моддалар, касаллик тарқатувчи микроблар ва ҳар хил тузлар бўлмаслиги керак. Чорва моллари ичадиган сув тиниқ, рангсиз, ҳидсиз ва мазали бўлиши лозим. Сувда ҳар хил тузлар бўлса, уларнинг мазаси тахир, аччиқ, шўр ёки қўланса ҳидли бўлади. Бундай сувни ҳайвонлар яхши ичмайди ёки мутлақо истеъмол қилмайди.

Сув манбалари. Чорва молларига бериладиган сувнинг асосий манбалари дарйодан оқиб келадиган, қор ва ёмғир, кўл ва ҳавза, булоқ ва ер ости сувлари ҳисобланади. Дарё сувлари баҳорги ёғингарчилик ва сув тошқини туфайли лойқаланади, унда ҳар хил аралашмалар кўпайиб кетади. Шунингдек, улар саноат ва аҳоли чиқиндиларининг қўшилиши натижасида ифлосланиши ҳам мумкин. Ҳайвонларга сув беришда ана шуларни ҳисобга олиш лозим.

Манба: agro-olam.uz

[print-me]

қорамол
1
Facebook Twitter Google + Pinterest

Ўхшаш мақолалар

Тана қисмларини ўлчаб, қорамол вазнини аниқлаш

29.01.2020

Аралашмали силос тайёрлашнинг афзалликлари

07.02.2020

Ипак қурти боқиш бўйича тавсиялар

02.05.2020

Инсон саломатлиги учун эчки сути фойдаси

07.03.2019

Бузоқларда киндик яллиғланиши касаллиги белгилари

13.11.2018

Романов зотли қўйларнинг маҳсулдорлиги

19.02.2020

Заанен зотли эчкилар маҳсулдорлиги

23.10.2019

Қутуриш касаллиги хавфи ва профилактикаси

12.06.2020

Қорасон касаллиги қарши кураш чоралари

25.03.2020

Қўй боқиш сирлари

22.01.2020

БИЗНИ КУЗАТИБ БОРИНГ!

Facebook

Бўш иш ўринлари

Promotion Image

Агроном ишга олинади

КАЛИТ СЎЗЛАР

анор асал асалари балиқ бедана бодом бодринг бройлер бузоқ буқа боқиш гилос иссиқхона карам картошка курка кўкат лавлаги лимон маккажўхори мандарин нок олма от пахта помидор сабзи саримсоқ сигир тарвуз товуқ трактор туя туяқуш узум хурмо шафтоли шоли эчки ўрдак ғоз қовун қорамол қулупнай қуён қўй

СОҲАДАГИ СЎНГГИ ЯНГИЛИКЛАР

  • “Фермерлар мактаби”нинг 3-мавсумига қабул эълон қилинди

    17.09.2021
  • 2021 йилги пахта терими нархлари белгиланди

    17.09.2021
  • Давлатимиз раҳбари Андижон вилояти Пахтаобод туманидаги инновацион иссиқхонани кўздан кечирди

    17.06.2021
  • Тошкентда «AgroWorld Uzbekistan 2021» кўргазмаси бўлиб ўтади

    01.06.2021

ЛОЙИҲА ҲАКИДА

Agronet.uz интернет порталида қишлоқ хўжалиги соҳасидаги муҳим янгиликлар ва фойдали мақолалар ёритиб борилади.

Facebook Youtube Telegram RSS

Ушбу сайт материалларидан  фойдаланилганда, agronet.uz актив ҳаволаси (линк) берилиши шарт.

ЭНГ КЎП ЎҚИЛГАН МАҚОЛАЛАР

  • 1

    Беда экиш ва парваришлаш бўйича тавсиялар

    18.05.2020
  • 2

    Республикамизда етиштириладиган қовун навлари

    12.01.2019
  • 3

    Лавлаги етиштириш бўйича тавсиялар

    22.07.2018

Ўзбекистон қишлоқ хўжалиги

2022 йил 3 сон Март


БАРЧА ЖУРНАЛЛАР

Agronet © 2018-2023. Developed by Fenx.