Чорвачилик қишлоқ хўжалигининг ажралмас қисми бўлиб, халқ хўжалигида алоҳида аҳамият касб этади. Чорвачиликдан инсонлар учун зарур озиқ-овқат бўлган сут, гўшт ва тухум маҳсулотлари олинади. Чорва ҳайвонлари ва паррандалари чиқиндилари маҳаллий ўғит сифатида ер унумдорлигини оширишда беқиёс ўрин тутади.
Йилқичилик чорвачиликнинг муҳим соҳаси ҳисобланади. Йилқичилик фермаси отларни парвариш қилиш ва янги зотлар етиштириш билан шуғулланади.
