Совуқ тушиши билан асаларилар ўзларига мақбул ҳароратни сақлаш учун гуруҳларга бирлашадилар. Бу пайтда асаларичилар ўз асбоб ускуналарингизни тартибга солиб олиши, эски сушни эритишиб олиши, келгуси баҳорга эҳтиёт уяларни ҳозирлаб қўйиш билан шуғулланишлари мумкин.
Бу ойда тез-тез кўрик ўтказиб асалариларни ташвишлантиш керак эмас. Бунинг ўрнига уянинг кўзига шланг тиқиш орқали уларни тинглаб кўриш мумкин. Уянинг деворига чертиб, тинглаб кўринг. Баланд ғовур-ғувур эшитилиб, дарҳол тинса, демак ҳаммаси жойида. Агарда қуруқ, чирсиллайдиган овоз эшитилса, демак уяда озуқа етишмайди. Озуқа етишмаганда асалариларга илиқ асал ёки қиём бериш керак, шуни ёдда тутингки, буни заруратсиз ва жуда совуқ ҳавода қилиш керак эмас.
Агарда декабрнинг ўрталарида ҳаво ҳарорати 15°С дан ошса, кўрик ўтказиш мумкин. Шу билан бирга оилага варроатозга қарши дорилар, масалан, бипин билан ишлов бериш мумкин.
Кўрик пайтида мумкатакдаги асалга алоҳида эътибор қаратиш керак. Унинг кристалланишига йўл қўймаслик керак, чунки бунда асаларилар овқатланишига қийналади. Агарда асал кристалланган бўлса, асалариларга қўшимча озуқа бериш шарт.
Манба: «Асаларичилик — бошловчи асаларичилар учун» М.К.Минзафаров, Н.А.Музафарова
