Чорвачилик қишлоқ хўжалигининг ажралмас қисми бўлиб, халқ хўжалигида алоҳида аҳамият касб этади. Чорвачиликдан инсонлар учун зарур озиқ-овқат бўлган сут, гўшт ва тухум маҳсулотлари олинади. Чорва ҳайвонлари ва паррандалари чиқиндилари маҳаллий ўғит сифатида ер унумдорлигини оширишда беқиёс ўрин тутади.
Эчки сути кимёвий таркибига кўра кўпроқ она сутига яқин туради. Рахит, жигар, ўпка сили, аллергия касалликларини даволашда эчки сути фойдаси катта.
