Agronet.uz
  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
  • Лойиҳа ҳақида
  • Об-ҳаво
  • Китоблар
    • Деҳқончилик тармоғи бўйича китоблар
    • Асаларичилик тармоғи бўйича китоблар
  • Газета ва журналлар
    • «Ўзбекистон қишлоқ ва сув хўжалиги» журнали
    • «Агротехника дунёси» журнали
  • Қизиқарли видеолавҳалар
  • ФОЙДАЛИ
  • Бўш иш ўринлари

Agronet.uz

  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
ДЕҲҚОНЧИЛИК

Сабзи экиш ва мўл ҳосил олиш сирлари

Муаллиф Агроном 28.05.2020
Сабзи экиш ва мўл ҳосил олиш сирлари

Сабзи кундалик ҳаётимизда энг кўп истеъмол қилинадиган сабзавотлардан бири. Сабзи ўз таркибида А витамини ва каротин моддасини кўп сақлайди. Ўзбекистоннинг барча вилоятларида, шу жумладан шахсий томорқа, деҳқон-фенмерлар ерларида етиштирилади. Сабзини хом ҳолда, пишириб ва қайта ишланган ҳолда истеъмол қилиш мумкин.

Деҳқонларимиз томонидан кўп етиштириладиган навлар: эртапишар Мушак, Нурли, ўртапишар Мирзои сариқ, Мирзои қизил, Нант, Шантанэ, Зийнатли, Фаровон.

Сабзи экиш учун танланган уруғ тоза, юқори унувчан, касалликлардан ҳоли, бутун (синмаган), вазндор бўлиши зарур. Сабзи экишдан олдин томорқа ўтмишдош экин қолдиқлари ва бегона ўтлардан обдон тозаланади. Тупроқ 20-25 см чуқурликда юмшатилади, йирик кесаклар майдаланиб, яхшилаб текисланади ва суғориш эгатлари олинади.

Мамлакатимизнинг жанубий вилоятларида баҳорги сабзи уруғи 15-28 февралда, ёзгиси 1-15 августда сепилади. Марказий минтақада жойлашган ва водий вилоятларида баҳорги сабзи 1-15 март, ёзгиси 10 июньдан – 10 июльгача экилади.

Уруғ сарфи 10 сотихга 500-600 грамни ташкил этади. Сепилгандан уруғлар хаскаш билан тупроққа аралаштирилади.

Сабзи уруғлари ерга юза ташланади ёки 1,5-2 см чуқурликка кўмилади. Уруғ юза ташлангани учун ҳам уни албатта ивитиб экиш лозим. Сабзи уруғи қаттиқ, униб чиқиш учун намни кўп талаб қилади. Экиш билан бирга ёки экишдан сўнг гербитсидлар қўлланилади, сабзи майсалари ўсиш даврининг бошида суст ривожлангани учун бегона ўтлар босиб кетади. Бу вақтда далани бороналаш ҳам яхши натижа беради. Сабзи уруғлари сийракроқ экилиши лозим, зич экилса улар кам ҳосил беради. Бир гектар майдонда 350-400 минг туп илдизмева ҳосил бўлиши керак.

Сабзи майсалари 6-7 та барг ҳосил қилганда унга азот ўғити берилиб культивация қилинади. Ўсиш жараёнида албатта 2 марта озиқлантирилади ва бир неча марта суғорилади. Суғориш меъёри 800-1000 м3 миқдорда берилади. Ҳосилни йиғиштириб олишдан 1 ой олдин уни суғориш тўхтатилади. Ҳосилдорлик сабзида юқори агротехника билан ўстирилганда 550-600 центнер бўлиши мумкин. Сабзи илдизмеваларини картошка кавлагич машиналари билан кавлаб олиш мумкин.

Сабзавот уруғлари 2-3°C да уна бошлайди, аммо жуда суст ривожланади, уруғнинг тез униб чиқиши 3-5 кунда кузатилади. Сабзи биологик хусусиятига кўра совуққа чидамли ўсимлик, эрта баҳорда майсалари 5-6°C даража паст ҳароратга чидайди, ўсиш даврининг охирида ҳам 10-14°C гача паст ҳароратда яхши сақлайди.

Сабзи намга жуда талабчан сабзавот ҳисобланади. Аммо у қурғоқчиликка ҳам чидамлидир, лекин тупроқда нам кам бўлса илдизмева қуруқ таъмсиз ёғочсимон бўлиб ёрилиб кетади. Эти сувли бўлмайди, ҳосилни ҳам кам беради. Шунинг учун сабзи тез-тез суғорилиб турилади. Ўсиш даврининг бошида энди майсалари ҳосил бўлаётганда ва илдизмевалари тўлишаётган пайтда намлик жуда зарур.

Сабзавот эрта баҳорда экилиб, ёзнинг узун кун тафтида пишиб етилади.

Шунингдек, уни такрорий экин сифатида экиб октябр ойларида йиғиштириб олиш ҳам мумкин. Навларига қараб ўсиш даври 120-160 кунга чўзилади.

Бу ўсимлик енгил қумоқ тупроқларда яхши ўсиб ривожланади. Агар сабзи зич тупроқда экилса илдизмеваси нотекис, кичик бўлиб қолади, чунки сабзи илдизмеваси асосан ер остида етилгани учун тупроқ юмшоқ, қумоқ, енгил ва нам билан таъминланган бўлиши лозим. Минерал ўғитларга талабчан, ўсиш даврининг бошида азотли, кейинчалик фосфор, калий ва кальцийни кўп ўзлаштиради.

Манбалар: mygarden.uz, agro.uz

[print-me]

сабзи
5
Facebook Twitter Google + Pinterest

Ўхшаш мақолалар

Бодринг касалликлари ва уларга қарши кураш

29.04.2020

Такрорий экин сифатида кечки картошка етиштириш

23.05.2020

Иссиқхоналар қуриш ва улардан фойдаланиш

13.02.2019

Помидорларни сақлашнинг маҳаллий усуллари

09.11.2018

Картошка етиштириш бўйича тавсиялар

17.07.2018

Кунгабоқарни экиш муддатлари ва парваришлаш

09.05.2020

Гулкарам етиштириш бўйича тавсиялар

25.05.2020

Иссиқхоналар қачон ёпилади?

04.10.2020

Маҳаллийлаштирилган ва истиқболли бодринг навлари

09.01.2019

Ерлар унумдорлигини оширишда биогумуснинг фойдаси

27.11.2018

БИЗНИ КУЗАТИБ БОРИНГ!

Facebook

Бўш иш ўринлари

Promotion Image

Агроном ишга олинади

КАЛИТ СЎЗЛАР

анор асал асалари балиқ бедана бодом бодринг бройлер бузоқ буқа боқиш гилос иссиқхона карам картошка курка кўкат лавлаги лимон маккажўхори мандарин нок олма от пахта помидор сабзи саримсоқ сигир тарвуз товуқ трактор туя туяқуш узум хурмо шафтоли шоли эчки ўрдак ғоз қовун қорамол қулупнай қуён қўй

СОҲАДАГИ СЎНГГИ ЯНГИЛИКЛАР

  • “Фермерлар мактаби”нинг 3-мавсумига қабул эълон қилинди

    17.09.2021
  • 2021 йилги пахта терими нархлари белгиланди

    17.09.2021
  • Давлатимиз раҳбари Андижон вилояти Пахтаобод туманидаги инновацион иссиқхонани кўздан кечирди

    17.06.2021
  • Тошкентда «AgroWorld Uzbekistan 2021» кўргазмаси бўлиб ўтади

    01.06.2021

ЛОЙИҲА ҲАКИДА

Agronet.uz интернет порталида қишлоқ хўжалиги соҳасидаги муҳим янгиликлар ва фойдали мақолалар ёритиб борилади.

Facebook Youtube Telegram RSS

Ушбу сайт материалларидан  фойдаланилганда, agronet.uz актив ҳаволаси (линк) берилиши шарт.

ЭНГ КЎП ЎҚИЛГАН МАҚОЛАЛАР

  • 1

    Беда экиш ва парваришлаш бўйича тавсиялар

    18.05.2020
  • 2

    Республикамизда етиштириладиган қовун навлари

    12.01.2019
  • 3

    Лавлаги етиштириш бўйича тавсиялар

    22.07.2018

Ўзбекистон қишлоқ хўжалиги

2022 йил 3 сон Март


БАРЧА ЖУРНАЛЛАР

Agronet © 2018-2023. Developed by Fenx.