Зайтун ёғи инсон организми учун ниҳоятда фойдали бўлиб, қонда холестериннинг зарарлисини камайтириш, фойдали холестеринни кўпайтириш хусусиятига эга. Зайтуннинг таркибида 100 дан ортиқ фойдали моддалар: мой, оқсил, гликозидлар, дармондорилар бор.
Ер юзида етиштириладиган зайтун мевасининг 90% идан ёғ олинади. Бунда уни консервантлар қўшмасдан туриб узоқ муддат сақлаш мумкинлиги таҳсинга сазовор.
Мунтазам зайтун ёғи истеъмол қилувчи кишилар юрак, қон-томир касалликларига дучор бўлмасликлари илмий тарафдан исботланган. Меваси ёғга бой, турли навларига қараб, улардан 50% дан 80% гача ёғ олиш мумкин. Меваси оқсил, пектин, қанд моддалари ва витаминларга бой. Унда В, С, Е, Р – актив катехинлар, калий, фосфор, темир тузлари ва бошқа моддалар мавжуд. Бундан ташқари, углеводлар, фенолкарбон кислоталар, пектин моддалари, тритерпен сапонинлари борлиги аниқланган.
Зайтуннинг ёғи бу дарахт мевасининг асосий маҳсулоти бўлиб, асосан шу мақсадда экиб етиштирилади. Лекин мевалари ҳам консерва саноатида кенг истеъмол қилиниб, яшил мевалари консерваланади. Қора меваларидан тузлама тайёрланади. Зайтунлар ёғи шпрот ва сардин тансиқ балиқ консервалари тайёрлашда ишлатилади. Ушбу ёғ ошқозонда енгил ҳазм бўлувчи ёғдир.
Зайтун ёғи болаларнинг соғлом ўсишига ёрдам беради ва ёши улуғларнинг эрта қариши олдини олади. Унинг хушбўй ҳиди иштаҳани очади, шу сабабдан турли салатларга қўшилади.
Қоннинг қуюқлашиши ва томирларнинг қотиб қолишининг ҳам олдини олувчи мислсиз воситалардан бири зайтун ёғидир. Жигар фаолиятини яхшилайди, сафро йўлларини фаоллаштиради, ошқозон меъёридан юқори кислоталилигининг олдини олиб, яра пайдо бўлмаслигини таъминлайди.
Милк, тери ва аллергик касалликларни даволашда ҳам фойдалидир. Зайтун ёғи D витаминига бой, шу сабабли рахит ва болдир суякларининг қийшиқ ўсишини даволашда фойда беради. Қуёш нуридан маҳрум, қоронғи хоналарда яшовчиларга фойдалидир.
Зайтун меваси таркибидаги A, D, E ва K витаминлари инсон суягини мустаҳкамлайди, ичак фаолиятини яхшилайди. Зайтундан олинадиган ёғ юқори артериал қон босимини нормаллаштиради. Зайтун ёғи инсон танасига тўлиқ сингади. Қадимги греклар ҳар томонлама бақувват бўлиш учун ҳар куни эрталаб бир қошиқ зайтун ёғи ичиб, ортидан бир қошиқ асал истеъмол қилганлар. Бу усул эркаклик қувватининг ошишига ҳам самарали таъсир этади.
Зайтундан олинадиган ёғ терига суртилса, уни чиройли қилади. Истеъмол қилинса, сочлар ва тирноқлар ўсишига ижобий таъсир кўрсатиб, тиш ва милкларни соғ ва мустаҳкам қилади.
Манба: mehnat.uz
[print-me]
