Биз ёшликдан ёмғир сувининг фойдали жиҳатлари ҳақида катталардан эшитиб келганмиз. Лекин ҳеч қизиқиб кўрганмисиз, ёмғир сувининг дарахт ва ўсимликларга қандай таъсир қилиши ҳақида? Мазкур мақолада ёмғирнинг фойдаси ҳусусида сўз юритамиз:
- Ёмғир дарахт баргларидан чангни ювиб тозалайди. Бу эса дарахтнинг нафас олишини яхшилайди ва фотосинтез жараёнини тезлаштиради;
- Ўсимликлар ҳаво қуриб, ҳарорат кўтарилганда кучни тежаш жараёнига ўтишади. Нафас олувчи тешикчалари устида юпқа плёнка ҳосил қилиб, буғланиш жараёнини секинлаштиришади. Ёмғир ёққан маҳал ҳаво намлиги ортади ва иссиқ ҳарорат пасаяди, шунда дарахт ва ўсимликларнинг нафас олувчи тешикчалари яна қайта очилади. Натижада ўсимлик ва дарахтларда тезкорлик билан озуқа моддаларини сингдириш бошлашади. Шунинг учун ёмғирдан сўнг инсонларга табиат «жонлангандай» туюлади;
- Ўсимликларга ёмғир томчилари орқали чақмоқ разрядлари ва қуёш нури таъсирида пайдо бўлган кучсиз азот унсурлари сингиб боради. Бу турдаги ташқи озиқлантириш жуда тез ўзлаштирилади;
- Ёмғир суви — майин сув, чунки унда қаттиқ тузлар (гидрокарбонат, кальций сульфатлари ва магний хлоридлари) бўлмайди. Майин сувнинг афзаллиги шундаки у сув ва газ алмашинувига таъсир кўрсатмайди. Мисол учун дарахтлар қаттиқ сув билан суғорилганда танасида тузли қатлам ҳосил бўлади;
- Ёмғир сувининг pH даражаси нейтрал сувга яқин бўлади, бу эса ўсимликнинг ҳаётий жараёнларига фойдали таъсир кўрсатади. Албатта, бу кўрсатгич жойнинг иқлим шароитидан келиб чиқади. Мисол учун, тоғли, ўсимликлар кўп бўлган ҳудудларда чинданам ёмғир суви нейтрал pH даражада бўлади. Зарарли газлар чиқарувчи заводлар жойлашган шаҳарларда эса кўрсатгич юқори бўлади.
Манба: chloris.ru
[print-me]
