Agronet.uz
  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
  • Лойиҳа ҳақида
  • Об-ҳаво
  • Китоблар
    • Деҳқончилик тармоғи бўйича китоблар
    • Асаларичилик тармоғи бўйича китоблар
  • Газета ва журналлар
    • «Ўзбекистон қишлоқ ва сув хўжалиги» журнали
    • «Агротехника дунёси» журнали
  • Қизиқарли видеолавҳалар
  • ФОЙДАЛИ
  • Бўш иш ўринлари

Agronet.uz

  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
ДЕҲҚОНЧИЛИК

Республикамизда етиштириладиган тарвуз навлари

Муаллиф Агроном 08.05.2021
Республикамизда етиштириладиган тарвуз навлари

Тарвуз энг безарар полиз маҳсулоти саналади. Чунки унинг қаттиқ пўстлоғи турли зарарли моддаларни ташқи муҳитдан киришига йўл бермайди. Айниқса сўнгги йилларда тарвузни етиштириш бир мунча ортди.  Ўзбекистонда тарвузнинг 47 та навлари ҳудудлаштирилган бўлиб, шулардан 15 та маҳаллий, қолгани чет эл навларидир. Қуйида юртимизда энг кўп тарқалган тарвуз навлари тўғрисида маълумот келтирилган:

Дилноз нави

Эрта-ўртапишар нав бўлиб, ўсиш даври 80-85 кунни ташкил этади. Меваси шарсимон, пўсти тўқ яшил, қора тикансимон гуллари бор, вазни 3-4 кг га етади. Эти тўқ қизил, серсув бўлади. Таркибида қанд миқдори 7,5-8,5% га тенг. Ҳосилдорлиги 30-35 т/га етиши мумкин. Ташишга чидамлилиги юқорилиги ажралиб туради.

Манзур нави

Эртапишар нав бўлиб, ўсиш даври 80-90 кунни ташкил этади. Палаги ўртача, ён шох ва барглар сони ўртача бўлади. Барги конуссимон, яшил рангли, бир оз майин, тукли, оч яшил тусда бўлади. Меваси шарсимон, ўртача ҳажмда, вазни 2,5-3 кг га этади. Пўсти қаттиқ, оч яшил, тикансимон тўқ яшил гуллари бор. Эти малинасимон, уруғлари майда бўлади. Ҳосилдорлиги 25-30 т/га етади.

Қўзибой-30 нави

Кечпишар нав бўлиб, ўсиш даври 120-130 кунни ташкил этади. Палаги катта, пояси узун бўлади. Меваси юмалоқсимон, юзаси силлиқ, яшил, баъзан қорамтир, юзасида четлари жимжима, ингичка, кам билинадиган тасмалари бор. Вазни 5-6 кг га етади. Пўсти қаттиқ, эти оч қизил, серсув, ширали, баъзан толали бўлади. Дегустацион баҳоси 3,5-4,7 баллга тенг. Таркибида қуруқ модда миқдори 7,2%, қанд миқдори 6,8% ни ташкил этади. Ҳосилдорлиги 35-40 т/га етади. Қишда яхши сақланади, узоқ масофаларга жўнатишга яроқли, қурғоқчиликка чидамлили билан ажралиб туради.

Ҳайит Қора нави

Кечпишар нав бўлиб, ўсиш даври 120-130 кунни ташкил этади. Палаги катта, ён шох ва барглар сони кўп бўлади. Барги конуссимон, яшил рангли, бироз майин тукли бўлади. Меваси нотўғри шарсимон, йирик, вазни 5-6 кг тош босади. Юзаси силлиқ, мева банди томони сезилмас дўнгроқ, ерга тегиб турган жойлари сарғиш жигарранг, пўсти қаттиқ, тўқ яшил, баъзан қорамтир тусда бўлади. Эти қизил, серсув, сершира, эрувчан, жуда ширин бўлади. Дегустацион баҳоси 5,0 баллга тенг. Таркибида қуруқ модда миқдори 8,1%, қанд миқдори 7,2% ни ташкил этади. Ҳосилдорлиги 35-40 т/га етади. Қишда яхши сақланади.

Янги тарвуз навлари билан танишинг

Ширин нави

Эрта-ўрта пишар нав бўлиб, ўсиш даври 86-89 кунни ташкил этади. Меваси шарсимон бўлади. Пўсти оч яшил ёки тўқ яшил бўлиб, ўртача энли тикансимон гуллари бор. Вазни 3-4 кг тош босади. Эти оч қизил, серсув бўлади. Таркибида қанд миқдори 11,0-11,4% ни ташкил этади. Ҳосилдорлиги 30-35 т/га етиши мумкин. Ташишга чидамлилиги юқори эканлиги билан ажралиб туради.

Шарқ неъмати нави

Эрта-ўртапишар нав бўлиб, ўсиш даври 89-90 кунни ташкил этади. Меваси шарсимон кўринишда бўлади. Пўсти оқиш яшил бўлиб, яшил энсизроқ тикансимон гуллари бор, вазни 4,8-5,4 кг етади. Йириклари 10-12 кг тош босади. Эти тўқ қизил, серсув бўлади. Таркибида қанд миқдори 10,9 -11,0% ни ташкил этади. Ҳосилдорлиги 39-41 т/га етиши мумкин. Ташишга чидамлилиги ўртача ҳисобланади.

Манба: М.У.Ҳалимова, «Қовун ва тарвуз етиштириш» китоби (Агробанкдан 100 китоб тўплами)

[print-me]

тарвуз
1
Facebook Twitter Google + Pinterest

Ўхшаш мақолалар

Пиёз етиштириш технологияси

24.02.2020

Ўзбекистонда соя етиштириш

09.09.2018

Иссиқхоналар қуриш ва улардан фойдаланиш

13.02.2019

Ер шўри қандай ювилади?

13.11.2020

Гулкарам етиштириш бўйича тавсиялар

25.05.2020

Плёнка остида сабзавот етиштириш

18.01.2019

Қулупнай экиш учун маъқул пайт

17.03.2018

Картошкани иккиҳосилли экин сифатида етиштириш

03.01.2020

Иссиқхонада булғор қалампири етиштириш

13.02.2020

Республикамизда етиштириладиган қовун навлари

12.01.2019

БИЗНИ КУЗАТИБ БОРИНГ!

Facebook

Бўш иш ўринлари

Promotion Image

Агроном ишга олинади

КАЛИТ СЎЗЛАР

анор асал асалари балиқ бедана бодом бодринг бройлер бузоқ буқа боқиш гилос иссиқхона карам картошка курка кўкат лавлаги лимон маккажўхори мандарин нок олма от пахта помидор сабзи саримсоқ сигир тарвуз товуқ трактор туя туяқуш узум хурмо шафтоли шоли эчки ўрдак ғоз қовун қорамол қулупнай қуён қўй

СОҲАДАГИ СЎНГГИ ЯНГИЛИКЛАР

  • “Фермерлар мактаби”нинг 3-мавсумига қабул эълон қилинди

    17.09.2021
  • 2021 йилги пахта терими нархлари белгиланди

    17.09.2021
  • Давлатимиз раҳбари Андижон вилояти Пахтаобод туманидаги инновацион иссиқхонани кўздан кечирди

    17.06.2021
  • Тошкентда «AgroWorld Uzbekistan 2021» кўргазмаси бўлиб ўтади

    01.06.2021

ЛОЙИҲА ҲАКИДА

Agronet.uz интернет порталида қишлоқ хўжалиги соҳасидаги муҳим янгиликлар ва фойдали мақолалар ёритиб борилади.

Facebook Youtube Telegram RSS

Ушбу сайт материалларидан  фойдаланилганда, agronet.uz актив ҳаволаси (линк) берилиши шарт.

ЭНГ КЎП ЎҚИЛГАН МАҚОЛАЛАР

  • 1

    Беда экиш ва парваришлаш бўйича тавсиялар

    18.05.2020
  • 2

    Республикамизда етиштириладиган қовун навлари

    12.01.2019
  • 3

    Лавлаги етиштириш бўйича тавсиялар

    22.07.2018

Ўзбекистон қишлоқ хўжалиги

2022 йил 3 сон Март


БАРЧА ЖУРНАЛЛАР

Agronet © 2018-2023. Developed by Fenx.