Agronet.uz
  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
  • Лойиҳа ҳақида
  • Об-ҳаво
  • Китоблар
    • Деҳқончилик тармоғи бўйича китоблар
    • Асаларичилик тармоғи бўйича китоблар
  • Газета ва журналлар
    • «Ўзбекистон қишлоқ ва сув хўжалиги» журнали
    • «Агротехника дунёси» журнали
  • Қизиқарли видеолавҳалар
  • ФОЙДАЛИ
  • Бўш иш ўринлари

Agronet.uz

  • ЯНГИЛИКЛАР
  • АСАЛАРИЧИЛИК
  • БАЛИҚЧИЛИК
  • БОҒДОРЧИЛИК
    • ГУЛЧИЛИК
  • ДЕҲҚОНЧИЛИК
  • ПАРРАНДАЧИЛИК
  • ЧОРВАЧИЛИК
  • НАРХ-НАВО
ПАРРАНДАЧИЛИК

Уй шароитида курка боқиш сирлари

Муаллиф Агроном 29.04.2020
Уй шароитида курка боқиш сирлари

Уй паррандалари ичида гавдаси энг йириги бу куркалар. Тумшуғини устки қисмида гўштли ортиқчаси осилиб туради ва парранда ҳаяжонланган пайтда 12-15 см.га етади. Куркалар учиш қобилиятини йўқотмаганлиги учун уларнинг қаноти қирқилади. Ёки паррандахона деворларини баланд қилиб қурилади. Инжиқ бўлгани учун уларни 30-35 бош урғочиларига 3-4 бош эркаклари нисбатида ҳар бир бўлимга қўйилади.

Курка жўжаларини тухумдан очиб чиқиши эркак куркалар уруғларининг сифатига боғлиқ бўлади. Эркак куркалар қишда совуққа чидамсиз бўлади, қоронғи хоналар ҳам салбий таъсир этади. Уларнинг рационида ҳайвонларга оид озуқалар етарли миқдорда бўлиши керак. Урғочи куркалар совуққа чидамли (-15°С гача) бўлади, +5°С–10°С ҳароратда тухумни яхши қўяди. Одатда она куркалар бир мавсумда 60-80 донагача тухум қўяди. Куркалар 12 ойлигидан тухум қўйишни бошлайди. Эркак куркалар қўшилиш вақтида урғочи куркаларни яраламаслиги учун оёғидаги тирноғини 1 йилда 2 марта кесиб турилади.

Урғочи курка бошида 4-6 дона тухум қўяди, кейин 1-3 кун дам олади, кейин яна тухум қилишни бошлайди. Она куркаларнинг маҳсулдорлигини ошириш учун хонада қўшимча ёруғлик ташкиллаштирилади.

Она куркалар 20 дона атрофида тухум қўйгандан кейин “ғўл-ғўл-ғўл” деб товуш чиқаришни бошлайди. Агар она курка тухум қўйишни давом эттириши керак бўлса, унда уни уясидан ҳайдаб салқин хонага қамаб қўйилади ва ёнига эркак курка қўйиб юборилади, айрим ҳолларда кучлироқ таъсир этувчи факторлар, яъни ёруғликни кучайтириш, шовқин, хонани алмаштириш ва бошқалар қўлланилади. Лекин шу билан бирга тухумларнинг уруғланиш фоизи пасайиши мумкинлигини инобатга олиш керак бўлади.

Курк бўлган куркалар март ойидан июнь ойигача тухумга ётқизилади. Тухумларини ўзларидан бошқа яна товуқлар ҳам очиб чиқишлари мумкин.

Урчиш даврида кўпинча эркак куркалар озуқа емай қўйишади, бунинг натижасида озиб кетишнинг олдини олиш учун кечаси эркак куркалар урғочиларидан ажратилиб алоҳида хонага қўйилади ва витаминли (сабзи, сут маҳсулотлари, озуқа ҳамиртуриши, ўстирилган дон, ўт уни ва бошқалар) озуқа аралашмалари билан боқилади. Озуқаларни бир қисмини майдаланган ҳолда берилади. Эрталаб эркак куркаларга бир кунлик рационнинг учдан бир қисми берилади. Кундузи ва кечқурун паррандага намланган озуқа берилади, кечаси майдаланган дондан иборат қуруқ озуқа аралашмаси ёки ўстирилган дон берилади.

Курка жўжалари 27-28 кунлари тухумдан очиб чиқади. Тухумдан очиб чиққан курка жўжаларини алоҳида қутига солиб қўйилади. Ҳамма тухумлардан курка жўжалари очиб чиққандан кейин ҳаммаси битта қилиб она курка тагига қўйилади.

Битта она курка тагига 40 тагача курка жўжаларини қўйиш мумкин, она курка бемалол уларни боқиб парвариш қила олади.

Куркаларни қиш мавсумида одатда 3 маҳал озиқлантирилади. Эрталаб бир кунлик дон рационини учдан бир қисми берилади, кундузи намланган ем аралашмаси ва кечқурун бир кунлик дон рационини учдан икки қисми берилади. Дон озуқаларидан куркалар учун энг яхшиси маккажўхори, арпа ва буғдой донлари ҳисобланади. Қиш мавсумида рационга яна димланган ўт уни ва ширали озуқалардан лавлаги, сабзилар берилади.

Кўпайиш мавсумида куркаларга бир кунда 4 маҳал озуқа берилади: 1 марта бир кунлик рационни учдан бир қисми миқдорида донли озуқа берилади, 2 ва 3 мартада кўкатлар қўшилган ва намланган ем аралашмаси берилади, 4 марта бир кунлик дон аралашмаси рационидан учдан икки қисми миқдорида берилади.

Куркачиликда яйловларнинг мавжудлиги катта аҳамиятга эга. Эрта баҳордан кеч кузгача куркаларни боқишда ўтга бой бўлган яйловлардан фойдаланиш лозим бўлади. Ана шу яйловларда куркалар ўз организмларига зарур бўлган витаминга бой турли туман кўк ўтларни ва ҳашоратларга оид протеинга бой озуқаларни – чигирткалар, қуртлар, қўнғизлар, чувалчанглар ва бошқа қурт-қумурсқаларни топиб чўқиб ейди.

Манба: agro.uz

[print-me]

курка
5
Facebook Twitter Google + Pinterest

Ўхшаш мақолалар

Бедана кўпайтириш усуллари

08.09.2018

Ўрдак жўжаларини боқиш бўйича тавсиялар

03.06.2020

Бройлер жўжаларни гўштликка боқиш

03.04.2020

Товуқларни тухум бостириб, жўжа очириш

20.04.2020

Беданаларда учрайдиган касалликлар ва уларни даволаш

09.01.2020

Курка зотлари

11.03.2018

Ғоз жўжаларини боқиш бўйича тавсиялар

05.12.2018

Қирғовул боқиш ва кўпайтириш сирлари

09.03.2020

Туяқуш тухумининг фойдали хусусиятлари

26.11.2018

Юртимизда кўпайтириладиган кабутар зотлари

27.04.2020

БИЗНИ КУЗАТИБ БОРИНГ!

Facebook

Бўш иш ўринлари

Promotion Image

Агроном ишга олинади

КАЛИТ СЎЗЛАР

анор асал асалари балиқ бедана бодом бодринг бройлер бузоқ буқа боқиш гилос иссиқхона карам картошка курка кўкат лавлаги лимон маккажўхори мандарин нок олма от пахта помидор сабзи саримсоқ сигир тарвуз товуқ трактор туя туяқуш узум хурмо шафтоли шоли эчки ўрдак ғоз қовун қорамол қулупнай қуён қўй

СОҲАДАГИ СЎНГГИ ЯНГИЛИКЛАР

  • “Фермерлар мактаби”нинг 3-мавсумига қабул эълон қилинди

    17.09.2021
  • 2021 йилги пахта терими нархлари белгиланди

    17.09.2021
  • Давлатимиз раҳбари Андижон вилояти Пахтаобод туманидаги инновацион иссиқхонани кўздан кечирди

    17.06.2021
  • Тошкентда «AgroWorld Uzbekistan 2021» кўргазмаси бўлиб ўтади

    01.06.2021

ЛОЙИҲА ҲАКИДА

Agronet.uz интернет порталида қишлоқ хўжалиги соҳасидаги муҳим янгиликлар ва фойдали мақолалар ёритиб борилади.

Facebook Youtube Telegram RSS

Ушбу сайт материалларидан  фойдаланилганда, agronet.uz актив ҳаволаси (линк) берилиши шарт.

ЭНГ КЎП ЎҚИЛГАН МАҚОЛАЛАР

  • 1

    Беда экиш ва парваришлаш бўйича тавсиялар

    18.05.2020
  • 2

    Республикамизда етиштириладиган қовун навлари

    12.01.2019
  • 3

    Лавлаги етиштириш бўйича тавсиялар

    22.07.2018

Ўзбекистон қишлоқ хўжалиги

2022 йил 3 сон Март


БАРЧА ЖУРНАЛЛАР

Agronet © 2018-2023. Developed by Fenx.